Skema Acara Perayaan Natal Akbar PPTSB Wilayah Provinsi Jambi Tahun 2018

Tema : Sada ma haholongonmuna, saroha, sapingkiran ma hamu (Pilippi 2: 2).

Sub Tema : "PPTSB Wilayah Provinsi tarjou masihaholongan, saroha jala sapingkiran bahen sangap di Debata Ama".

1.Pangaradeon masuk tu Acara Natal PPTSB Se-Wilayah Propinsi Jambi.

2.Parhobas martangiang di inganan naung diparade mamasuhi gedung.

3.Simbol-simbol hakristenon (Bibel, Silang, Lilin diboan mendohoti prosesi dijolo sahali).

4.Prosesi tu kebaktian, i ma angka Parhalado na martugas, sude angka pengurus ni PPTSB Wilayah Jambi, Ketua Cabang dohot Ketua Sektor, diiringi ende (Trio Alexis)

Siboan Bibel: Hatami do sulusulu ni pathu jala hatiuron di dalanku! Sai Hata ni Debata ma na manggohi rohanta huria HKBP Jambi.

Ruas: Ale Tuhan Debata, sai HataMi ma sulusulunami huriaM nuaeng nang tu jolo on.

Siboan Silang: Anggo Silang on gombaran ni pangoloion! Songon Jesus na mangoloi tu AmaNa, nang mangadopi torop hamaolon. Sai silang on ma paingothon roha ni sude ruas ni huria di pangoloionna tu Tuhan i.

Ruas: Ale Tuhan urupi ma hami huriaM patuduhon pangoloionnami tu Ho, asa dapot roha na daulat hami di bagasan hataM.

Siboan Lilin: Lilin on na gabe gombaran ni sinondang. Manongtong ma sinondang ni barita na uli ni Tuhanta na manogu hita huriaNa di pardalanan ni ngolunta be!

Ruas: Ale Tondi Parbadia, Tondi Pangondian na sinuru ni Ama i, torangi ma roha dohot pingkirannami, asa tongtong torang rohanami mangoloi Ho.

Uluan: Hamu angka dongan ruas ni Parsadaan Pomparan Toga Sinaga dohot Boruna (PPTSB) Se-Wilayah Propinsi Jambi. Tapuji ma Tuhanta, ala dipaloas Tuhanta hita sahat bulan Desember 2018 on. Bulan diangka Pesta Parningotan ari hatutu ni Sipalua hita.

        Dipasupasu Tuhanta ma angka Perayaan Natal nanaeng ulahononta di tingki on, sai anggiat ma tau sangap di goar ni Tuhanta. Hundul ma hita asa tapungka acara Natal Parsadaan Pomparan Toga Sinaga dohot Boruna (PPTSB) Se-Wilayah Provinsi Jambi.
----Musik----
‘saat teduh’

       KEBAKTIAN NATAL :

01.    Marende BE. No. 605 : 1 - 2 “Las ma roham”
*Las ma roham Tuhanta ro, gumomgom sasude.
        Ungkap roham, jangkon Rajam,
        Marende masude, marende ma sude, marende, marende ma sude.
------Jongjong------
*Ibana do Rajanta i, parasiroha i,
    Na tigor i, na bonar i, parholong roha i.
    Parholong roha i, parholong, parholong roha i.

02.    Votum – Introitus - Tangiang:

(L 1,2,: Liturgis 1,2,; R : Ruas; S : sude)
    L1:    Marhitehite goar ni Debata Ama, dohot goar ni AnakNa Tuhan Jesus Kristus, dohot goar ni Tondi Parbadia na tumompa langit dohot tano on.
    S:    Amen
    L2:    Soara na joujou di halongonan, pauli hamu dalam di Jahowa, patigor dalan balobung ni Debata.
    L1:    Ingkon gohan do nasa rura, jala parejeton nasa dolok dohot buntul-buntul, jala gabe na hornop na manangkok luat, jala gabe rura tanggurung ni dolok.
    R:     Jadi patar ma hamuliaon ni Jahowa, jala sange nasa sibuk marnidasa, ai pamangan ni Jahowa do mandok:
    L2:    Patuginjang ma tohangmuna, hamu ale angka harbangan.
    L1:    Patuginjang ma hamu, ale angka pintu sian na robi, asa bongot Raja ni hamuliaon i.
    R:    Ise ulaning Raja ni hamuliaon i?
    L2:    Ima Jahowa na gogo jala ulubalang, jahowa ulubalang di hamusuan.
    L1:    Patuginjang ma tohangmuna, hamu ale angka harbang, jala patuginjang ma hamu, ale angka pintu sian na robi asa bongot Raja ni hamuliaon i.
    L2:    Ise ulaning Raja ni Hamuliaon i? Ima Jahowa Zebaot, ibana do Raja ni Hamuliaon i.
    L1:    Martangiang ma hita: Ale Amanami na banuaginjang, na so marmula jala na so marpansohotan, Debata na manongtong ro di saleleng ni lelengna! Asi ni rohaM sambing do na patariparhon ngolunami sahat tu tingki on. Dipatau Ho do hami, Pomparan ni Ompunami Toga Sinaga dohot Boruna na di Wilayah Jambi on mamestahon ari hatutubu ni AnakMu Tuhan Jesus Kristus Sipalua i. O Tuhan Jesus, sorang ma di rohanami asa gok dame, holong dohot las ni roha ngolunami jala lam sungguli ma rohanami marhite-hite Tondi Parbadia asa tongtong rade jala hobas hami lao manomu-nomu haroroM nuaeng nang sogot pe. Sai urupi jala ungkap ma roha dohot tondinami, lao manjalo AnakMu Tuhan Jesus Kristus Sipalua hami.
    S:    Amen! ------Hundul------

03.    Koor PPTSB : Cabang Bungo & Sektor 5

04.     Marende BE. No. 44 : 1 – 2 “Hamuna na porsea i”
*Hamuna na porsea i sai tomu Tuhan Jesus i sahehe rohamuna.
Jonok do ari pesta ni Saluhut huriaNa i I ma hatutubuNa
I pe hehe ma hamuna saen pantunna lao manjangkon                                            Na manopot hajolmaon
*Marlas ni roha situtu saluhut halak na burju Lao mangihuthon Jesus.
I pe pataridahon ma Las ni roham di Debata SangkapNa ma patulus.
Puji puji Jesus Kristus na manobus tondimuna Sian hamagoanmuna.

05.Liturgi I (Pengurus Pusat, Penasihat Wilayah & Keluarga)

06. Koor PPTSB: Sektor 6 & Sektor 3

07.Marende BE. No. 561: 1 “O Debata tu longang do rohangku”

*Debata tung longang do rohangku, Molo hubereng na tinompaMi
Saluhut bintang, hilap dohot ronggur, Manghatindanghon hasangaponMi.

Marende au Tuhan mamuji Ho, O Debata, sangap do Ho
Marende au Tuhan mamuji Ho, O Debata, sangap do Ho

08.    Liturgi II (Ketua Wilayah, Cabang,Ketua Panitia & Kel)

09.    Koor PPTSB : Batang hari & Sektor 1

10.    Liturgi III (Ketua Sektor Jambi & Keluarga)

11. Pagalak Lilin Natal: Diiringi dengan Pujian
1.    Parjamita : Pdt. Dr. Samsir Deli Sinaga, MTh
2.    Salah satu Penasehat PPTSB
3.    Ketua Panitia Natal PPTSB 2018
4.    Ketua PPTSB Wilayah Provinsi Jambi
5.    Pengurus Pengurus Pusat PPTSB
6.    Salah satu Utusan Ketua Cabang PPTSB
7.    Salah satu Ketua Sektor

(Petugas maju tu jolo mangadop altar mangido api sian Pandita, borhat ma mandapothon ruas laho pangalak lilin)
Marende BE. No. 54 : 1 – 3 Sonang ni bornginna i (Jongjong)
* Sonang ni bornginna i, Uju ro Jesus i, Sonang modom do halak sude Holan dua na dungo dope Mangingani anakNa, Jesus Tuhanta i.

*Malam kudus, sunyi senyap; bintangNya gemerlap, Jurus’lamat umat manusia, sudah lahir di dunia. Kristus Anak Daud, Kristus Anak Daud.

*Silent night holy night, all is calm all is bright; ‘round yon virgin mother and child, Holy infant so tender and mild, Sleep in heavenly peace, Sleep in heavenly peace.

12. Koor: Gema

13. Marende BE. No. 592 : 1 “Hosanna di Anak ni Raja Duad”

Hosianna di Anak ni Raja Daud partigor jala parmonang
Marsurak ma ho boru Sion Rajam manopot ho
Amen haleluya! Puji, tasomba Raja na sian surgo i
Amen haleluya! Puji, tasomba Raja na sian surgo i
Puji ma goarNa Raja si parmonang
Amen haleluya! Puji, tasomba Raja ni hadameon i
Amen haleluya! Puji, tasomba Raja ni hadameon i

14. Jamita : Pdt. Dr. Samsir Deli Sinaga, MTh

15. Marende BE. No. 62 : 1… Halalas ni roha godang (Pelean Bakti Natal ke panti Asuhan.

*Halalas ni roha godang, na hubaritahon on.
Nunga tubu Sipalua di hita jolma on.
Hasangapon di Debata, laos dame, dame, dame ma di jolma. Lomo ni roha ni Debata do hita jolma on.
* Ai saborngin on do binsar bintang di na holom i.
Sumondangi hagolapon, na di rohanta i.
Hasangapon di Debata, laos dame, dame, dame ma di jolma. Lomo ni roha ni Debata do hita jolma on.
*Tuhan Jesus hadomuan, na disuru Debata,
Na pasaehon sude dosa di dolok Golgata.
Hasangapon di Debata, laos dame, dame, dame ma di jolma. Lomo ni roha ni Debata do hita jolma on.
* Sai sondangi ma rohangku, ale Tuhan Jesus i.
Asa dohot au maruli, di hatutubuMi
Hasangapon di Debata, laos dame, dame, dame ma di jolma. Lomo ni roha ni Debata do hita jolma on.

16. Tangiang Panutup Ale Ama Nami - Pasupasu

II. Acara Kata-kata sambutan :
1.    Mandok hata
1.    Ketua Panitia Natal PPTSB Se-Wilayah Propinsi Jambi
2.    Mewakili Ketua Cabang PPTSB
3.    Mewakili Penasihat PPTSB
4.    Ketua PPTSB Wilayah Provinsi Jambi
5.    Pengurus PPTSB Pusat

III. Hiburan Natal

IV. Tangiang Panutup - Masijalangan

Panitia Natal PPSTB Se-Wilayah

Provinsi Jambi
Pasahathon :
Selamat Advent Dohot Natal 2018

Tuhanta ma mamasumasu .

Seksi Ibadah.